吸引PND嚟嘅係廚房烤爐內升到頭頂咁高嘅熊熊火光同燒烤味！
一入小店，見到平時嘅超市雪櫃擺滿唔同顏色嘅彩色膠兜，入面裝咗最低消費由$24起、唔同size嘅溫室有機大磨菇，有啲重量級靚菇甚至大過PND塊面都有，最細都有手掌大！小店職員好熱情同PND講解食材，仲介紹埋招牌雞翼、星星批..真係好想試哂佢囉！ 招牌燒菇$25即叫即燒，由於PND仲外賣咗個大菇拎走，一上巴士，明明已經禁實個膠盒，但燒蘑菇嘅香味完全係連膠盒都擋唔住傳到成架車都係...(好彩無巴士阿叔鬧我)！菇頂放咗一大塊燒熔咗嘅厚芝士，甘甘咸咸好濃郁，下面大菇就裝滿哂餡料：火腿、洋蔥、自家製蕃茄醬！蘑菇好香好多汁，加埋濃味番茄醬好正！
#PND元朗 #PND小食
@元朗鳳攸南街9號好順利大廈16號地舖
Search